ಬೇರೆ ಭಾಷೆಯಿಂದ ಅವಕಾಶ ಇದೆ ಆದರೆ ಕನ್ನಡದಲ್ಲಿ ಮದ್ವೆ ಆದ್ರೆ ಚಾನ್ಸ್ ಕೊಡಲ್ಲ; ನಟಿ ಖುಷಿ ರವಿ ಬೇಸರ
Jul 22, 2025, 17:38 IST
ಖುಷಿ ರವಿ ಕನ್ನಡ ಚಿತ್ರರಂಗದ ನಟಿ. ಅವರು 2016 ರಲ್ಲಿ "ದಿ ಗ್ರೇಟ್ ಸ್ಟೋರಿ ಆಫ್ ಸೋಡಾಬುಡ್ಡಿ" ಚಿತ್ರದ ಮೂಲಕ ನಟನೆಗೆ ಪಾದಾರ್ಪಣೆ ಮಾಡಿದರು. ನಂತರ, ಅವರು 2020 ರಲ್ಲಿ "ದಿಯಾ" ಚಿತ್ರದಲ್ಲಿ ಪ್ರಮುಖ ಪಾತ್ರವಹಿಸಿ ಪ್ರಸಿದ್ಧರಾದರು. ಅವರು ಕೆಲವು ಇತರ ಚಿತ್ರಗಳಾದ "ಸ್ಪೂಕಿ ಕಾಲೇಜ್" ಮತ್ತು "ಕೇಸ್ ಆಫ್ ಕೊಂಡಾಣ" ದಲ್ಲಿಯೂ ಕಾಣಿಸಿಕೊಂಡಿದ್ದಾರೆ.
ಖುಷಿ ರವಿ ಅವರು ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ. ಅವರು "ದಿಯಾ" ಚಿತ್ರದ ಮೂಲಕ ಹೆಚ್ಚು ಗುರುತಿಸಿಕೊಂಡರು. ಈ ಚಿತ್ರದಲ್ಲಿನ ಅವರ ಅಭಿನಯಕ್ಕಾಗಿ ಸಾಕಷ್ಟು ಮೆಚ್ಚುಗೆ ಕೂಡಾ ವ್ಯಕ್ತವಾಯಿತು.
ಇದೀಗ ನಟಿ ಖುಷಿ ರವಿ ಅವರು ‘ಸನ್ ಆಫ್ ಮುತ್ತಣ್ಣ’ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಇತ್ತೀಚೆಗೆ ಅವರು ನಟಿಸಿದ ‘ಅಯ್ಯನ ಮನೆ’ ವೆಬ್ ಸಿರೀಸ್ ಕೂಡ ಹಿಟ್ ಆಯಿತು. ಅವರಿಗೆ ಪರಭಾಷೆಯಿಂದ ತುಂಬಾ ಆಫರ್ ಬರುತ್ತಿವೆ. ಆದರೆ ಕನ್ನಡದಲ್ಲಿ ಒಳ್ಳೆಯ ಚಾನ್ಸ್ ಸಿಗುತ್ತಿಲ್ಲ ಎಂದು ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.