ಶಂಕರ್ ನಾಗ್ ಕಾರು ಅ ಪಘಾತವಾದ ಜಾಗದಲ್ಲಿ ಇಂದಿಗೂ ಆತ್ಮ ಸಂಚಾರ

 | 
He
 ಬದುಕಿದ್ದು ಕೆಲ ವರ್ಷಗಳಾದರೂ ಹಲವು ಜನರ ಮನಗೆದ್ದ ಶಂಕರ್ ನಾಗ್ ಅಪ್ಪಟ ಕನ್ನಡದ ಪ್ರತಿಭೆ.ಸೆಪ್ಟೆಂಬರ್ 30 1990. ಮುಂಜಾನೆ ವೇಳೆಯಲ್ಲಿ ಒಂದು ಆಘಾತಕಾರಿ ವಿಷಯ ಹೊರಬಿದ್ದಿತ್ತು. ಇಡೀ ಕನ್ನಡ ಚಿತ್ರರಂಗ ಕ್ಕೆ ಬರ ಸಿಡಿಲು ಬಡಿದಿತ್ತು. ಇದೇನಪ್ಪಾ? ಈ ಸುದ್ದಿ ನಿಜನಾ? ದೇವರೇ ಹೀಗೆ ಯಾಕೆ ಆಯ್ತು ಅಂತ ಇಡೀ ಕರುನಾಡು ಕಣ್ಣೀರು ಹಾಕಿತ್ತು. ಕನ್ನಡ ಚಿತ್ರರಂಗದ ಮೇರು ನಟ, ನಿರ್ದೇಶಕ,ನಿರ್ಮಾಪಕ, ಸಂಭಾಷಣೆಕಾರ ಶಂಕರ್​ನಾಗ್​  ಅಪಘಾತ ದಲ್ಲಿ ಕೊನೆಯುಸಿರೆಳೆದಿದ್ದರು. ಯಾರೂ ಊಹಿಸದ ರೀತಿಯಲ್ಲಿ ಅವರ ಶವ ಸಿಕ್ಕಿತ್ತು. 
ಆಗೆಲ್ಲ ಈಗಿನ ಕಾಲದ ಹಾಗೇ ಮೀಡಿಯಾ ಆಗಲಿ ಸ್ಮಾರ್ಟ್ ಫೋನ್ ಇರಲಿಲ್ಲ. ನ್ಯೂಸ್​ ಪೇಪರ್​ನಿಂದ ಮಾತ್ರ ಈ ಸುದ್ದಿ ತಿಳಿಯಬೇಕಿತ್ತು. ಸೆಪ್ಟೆಂಬರ್​ 30 ರಂದು ಬೆಳಗ್ಗೆ 9 ಗಂಟೆಯಾಗುವಷ್ಟರಲ್ಲಿ ಶಂಕರ್​ ನಾಗ್​ ಇನ್ನಿಲ್ಲ ಎಂಬ ಸುದ್ದಿ ಇಡೀ ಕರುನಾಡಿಗೆ ಹಬ್ಬಿತ್ತು.ಶಂಕರ್​ನಾಗ್​ ಸಾವನ್ನಪ್ಪಿದ್ದ ಹಿಂದಿನ ದಿನ ಹೇಗಿತ್ತು? ಏನಾಯ್ತು ಎಂಬುದರ ಬಗ್ಗೆ ಇನ್ನೂ ಅನೇಕರಿಗೆ ತಿಳಿದಿಲ್ಲ. ಚಿತ್ರಾಪುರ ಮಠದಲ್ಲಿ ಶಂಕರ್​ ನಾಗ್​ ಅವರ ತಂದೆ ಕೆಲಸ ಮಾಡುತ್ತಿದ್ದರು. ಅವರು ವಿಧಿವಶವಾದ ನಂತರ ಅವರ ತಾಯಿ ಅಲ್ಲೇ ಇದ್ದರು. ಶಂಕರ್​ನಾಗ್​ ಸಾಯುವ ಹಿಂದಿನ ದಿನ ಅವರ ತಾಯಿ ಕರೆ ಮಾಡಿದ್ದರಂತೆ.
ಶಂಕರ್​ ನಾಯ್​ ಸಾಯುವ ಹಿಂದಿನ ದಿನ ಅವರ ತಾಯಿ ಶಂಕರ್​ನಾಗ್​ ಹಾಗೂ ಅನಂತ್​ ನಾಗ್​ ಅವರಿಗೆ ಕರೆ ಮಾಡಿ, ಚಿತ್ರಾಪುರ ಮಠಕ್ಕೆ ಬರುವಂತೆ ಸೂಚಿಸಿದ್ದರಂತೆ. ಶೂಟಿಂಗ್​ ಇರುವ ಕಾರಣ ಆಗಲ್ಲ ಎಂದು ಶಂಕರ್​ನಾಗ್​ ಹೇಳಿದ್ದರಂತೆ. ತಾಯಿ ಪಟ್ಟು ಹಿಡಿದಿದ್ದರಂತೆ. ವಿಜಯದಶಮಿ ಹಬ್ಬವನ್ನು ಚಿತ್ರಾಪುರ ಮಠದಲ್ಲೇ ಆಚರಿಸಬೇಕು ಎಂದು ಹೇಳಿದರಂತೆ. ಮಠದಲ್ಲಿರುವ ಕಾರಣ ಅವರ ತಾಯಿ ಜ್ಯೋತಿಷ್ಯವನ್ನು ಹೆಚ್ಚಾಗಿ ನಂಬಿದ್ದರು. ಅನಂತ್​ ನಾಗ್​ ಬರುವುದು ಬೇಡ ಅವರಿಗೆ ಗಂಡಾಂತರ ಇದೆ. ನೀನು ಮಾತ್ರ ಬಾ ಎಂದು ಶಂಕರ್​ನಾಗ್​ಗೆ ಹೇಳಿದ್ದರಂತೆ.
ವಿಜಯದಶಮಿ ಹಬ್ಬ ಮುಗಿಸಿ ವಾಪಸ್ಸು ಹೋಗುವಾಗ ದಾವಣಗೆರೆ ಸ್ವಲ್ಪ ದೂರ ಇರುವ ಆನಗೋಡು ಬಳಿ ಶಂಕರ್​ನಾಗ್ ಕಾರು ಅಪಘಾತವಾಗಿತ್ತು. ಒಂದು ವಾರದಿಂದ ಕೆಟ್ಟು ನಿಂತಿದ್ದ ಟ್ರಕ್​ಗೆ ಶಂಕರ್​ನಾಗ್​ ಅವರ ಕಾರು ಗುದ್ದಿತ್ತು. ಲಿಂಗಣ್ಣ ಸ್ವಲ್ಪ ನಿದ್ದೆ ಮಂಪರುನಲ್ಲಿದ್ದರು. ಲಿಂಗಣ್ಣ ಕಾರುನ್ನು ಓಡಿಸುತ್ತಿದ್ದರು. ಲಿಂಗಣ್ಣ ಪಕ್ಕ ಶಂಕರ್​ನಾಗ್​ ಇದ್ದರು. ಹಿಂಬದಿ ಸೀಟಿನಲ್ಲಿ ಮಗಳು ಕಾವ್ಯ, ಅರುಂಧತಿ ನಾಗ್​ ಮಲಗಿಕೊಂಡಿದ್ದರು. ಒಂದಷ್ಟು ಜನ ಕೆಟ್ಟು ನಿಂತಿದ್ದ ಟ್ರಕ್​ಗೆ ಹಿಂಬದಿಯಿಂದ ಕಾರು ಡಿಕ್ಕಿಯಾಯ್ತು ಅಂತ ಹೇಳುತ್ತಾರೆ. ಇನ್ನೂ ಕೆಲವರು ಕೆಟ್ಟು ನಿಂತಿದ್ದ ಟ್ರಕ್​ ಪಕ್ಕ ಹೋಗುವಾಗ ಮತ್ತೊಂದು ಟ್ರಕ್​ಗೆ ಮುಂದೆಯಿಂದ ಗುದ್ದಿದೆ ಅಂತ ಹೇಳುತ್ತಾರೆ. ಸ್ಥಳೀಯರು ಹೇಳಿದ ಹಾಗೇ ಪತ್ರಿಕೆಯಲ್ಲಿ ಪ್ರಕಟಣೆಯಾಗಿತ್ತು.
ಆನಗೋಡು ಜನರಿಗೆ ಈಗಲೂ ಶಂಕರ್​ನಾಗ್ ಅವರ ಮೇಲೆ ಅಪಾರ ಪ್ರೀತಿ ಇದೆ. ಹೀಗಾಗಿ ಶಂಕರ್​ನಾಗ್​ ತೀರಿಹೋದ ಜಾಗದಲ್ಲೇ ಶಾಲೆಯನ್ನು ಸಹ ಆ ಊರಿನ ಜನರು ಕಟ್ಟಿಸಿದರು.ಶಂಕರ್​ನಾಗ್ ಶಾಲೆ ಎಂದು ಹೆಸರಿಡಲಾಗಿದೆ. ಪ್ರತಿ ಅಮಾವಾಸೆಯೆಂದು ಆನುಗೋಡು ಭಾಗದ ಜನರು ಶಂಕರ್​ನಾಗ್​ ಮೃತಪಟ್ಟ ಸ್ಥಳಕ್ಕೆ ಬಂದು ರಾತ್ರಿ ಪೂರ ಆ ಜಾಗವನ್ನು ಕಾಯ್ತಾರಂತೆ. ಶಂಕರ್​ನಾಗ್​ ಅವರು ಅಲ್ಲೇ ಇದ್ದಾರೆ ಅನ್ನೊ ನಂಬಿಕೆ ಇವರದ್ದು. ಮತ್ತೊಂದು ಕಾರಣ ಅಂದರೆ, ಪ್ರತಿ ಅಮಾವಾಸ್ಯೆಯಂದು ಈ ಭಾಗದಲ್ಲಿ ಹೆಚ್ಚಾಗಿ ಅಪಘಾತವಾಗುತ್ತಂತೆ. ಹೀಗಾಗಿ ಇಲ್ಲಿನ ಜನರು ಪ್ರತಿ ಅಮಾವಾಸ್ಯೆಯೆಂದು ಅಪಘಾತವಾದ ಸ್ಥಳಕ್ಕೆ ಬಂದು ಕಾಯ್ತಾರಂತೆ. ಯಾರೇ ಈ ಜಾಗದಲ್ಲಿ ಗಾಡಿ ನಿಲ್ಲಿಸಿದರು, ಅವರನ್ನು ಅಲ್ಲಿಂದ ಕಳುಹಿಸುತ್ತಾರಂತೆ.
( ಮಿತ್ರರೇ ಕರ್ನಾಟಕದ ಪ್ರತಿಷ್ಠಿತ ನ್ಯೂಸ್ ಚಾನಲ್ Powerfullkannada.tech ವಾಹಿನಿಗೆ ಬೆಂಬಲಿಸಿ.)
ದಿನ ನಿತ್ಯದ ತಾಜಾ ಸುದ್ದಿಗಾಗಿ ಪವರ್ ಫುಲ್ ಕನ್ನಡ ವಾಹಿನಿಯನ್ನು ಲೈಕ್ ಮಾಡಿ ಶೇರ್ ಮಾಡಿ.