ಆಸ್ಪತ್ರೆಯಲ್ಲಿ ಮಲಗಿದ ಸಂಜನಾ ಗಲ್ರಾಣಿ, ಮತ್ತೆ ಏನಾಯಿತು ‌ಎಂದು ಬೊಬ್ಬೆ ಹಾಕಿದ ಅಪ್ಪಟ ಅಭಿಮಾನಿಗಳು

ಸಂಜನಾ ಗಲ್ರಾನಿ ಯುಗಾದಿ ಹಬ್ಬಕ್ಕೆ ತಾವು ಎರಡನೇ ಬಾರಿಗೆ ತಾಯಿಯಾಗುತ್ತಿರುವ ಸಂತಸದ ಸುದ್ದಿಯನ್ನು ಹಂಚಿಕೊಂಡಿದ್ದರು. ಸದ್ಯ ಇದೀಗ ಹೆಣ್ಣು ಮಗುವಿಗೆ ಸಂಜನಾ ಜನ್ಮ ನೀಡಿದ್ದಾರೆ. ತಾಯಿ ಮತ್ತು ಮಗು ಆರೋಗ್ಯವಾಗಿದ್ದಾರೆ. ಸಂಜನಾ ಮನೆಗೆ ಹೊಸ ಅತಿಥಿಯ ಆಗಮನ ಆಗಿರುವುದರಿಂದ ಸಂತಸ ಮನೆ ಮಾಡಿದೆ. ವಿಶೇಷ ಅಂತಂದರೆ ಸಂಜನಾ ಗಲ್ರಾನಿ ತಮ್ಮ ಗಂಡು ಮಗುವಿಗೆ 2022ರ ಮೇ 19ರಂದು ಜನ್ಮ ನೀಡಿದ್ದರು. ಅಂತೆಯೇ ಇದೀಗ 2025ರ ಮೇ 19ರಂದೇ ತಮ್ಮ ಎರಡನೇ ಮಗುವಿಗೆ ಸಂಜನಾ ಗಲ್ರಾನಿ ಜನ್ಮ ನೀಡಿದ್ದಾರೆ. ಸಂಜನಾಗೆ ಆಪ್ತರು ಗೆಳೆಯರು ಸೇರಿದಂತೆ ಹಲವರು ಶುಭ ಹಾರೈಸಿದ್ದಾರೆ.

ಸೋಶಿಯಲ್‌ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್‌ ಆಗಿರುವ ಸಂಜನಾ ಇತ್ತೀಚೆಗೆ ಬೇಬಿಬಂಪ್‌ ಫೋಟೋಶೂಟ್‌ ಮಾಡಿಸಿ, ತಾವು ಎರಡನೇ ಮಗುವಿನ ನಿರೀಕ್ಷೆಯಲ್ಲಿರುವ ವಿಚಾರವನ್ನು ಹಂಚಿಕೊಂಡಿದ್ದರು. ಹಸಿರು ಸೀರೆಯುಟ್ಟು, ಸೀಮಂತದ ಫೋಟೋಗಳು ಮತ್ತು ವಿಡಿಯೋವನ್ನು ಸಂಜನಾ ಹಂಚಿಕೊಂಡಿದ್ದರು. ಅದಕ್ಕೆ, “ಈ ಯುಗಾದಿ ನನಗೆ ತುಂಬಾ ವಿಶೇಷವಾಗಿದೆ ಏಕೆಂದರೆ ನಮ್ಮ ಕುಟುಂಬದ ಹೊಸ ಸದಸ್ಯರು ಶೀಘ್ರದಲ್ಲೇ ನಮ್ಮೊಂದಿಗೆ ಸೇರಲು ನಾವು ಕಾಯುತ್ತಿದ್ದೇವೆ. ದಯವಿಟ್ಟು ನಿಮ್ಮ ಪ್ರಾರ್ಥನೆ ಮತ್ತು ಆಶೀರ್ವಾದದಲ್ಲಿ ನನ್ನನ್ನು ಇರಿಸಿ” ಎಂದು ಸಂಜನಾ ಬರೆದುಕೊಂಡಿದ್ದರು. ಸಂಜನಾ ಅವರ ಬೇಬಿ ಬಂಪ್‌ ಫೋಟೋಗಳು ಸಖತ್‌ ವೈರಲ್‌ ಆಗಿದ್ದು, ಸ್ನೇಹಿತರು ಮತ್ತು ಹಿತೈಶಿಗಳು ಶುಭ ಹಾರೈಸಿದ್ದರು.

ತೆಲುಗು ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಪಾದಾರ್ಪಣೆ ಮಾಡಿದ್ದ ಸಂಜನಾ ಗಲ್ರಾನಿ ಆ ಬಳಿಕ ಕನ್ನಡದಲ್ಲಿ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸಿನಿಮಾಗಳಿಗಿಂತ ತಮ್ಮ ವೈಯಕ್ತಿಕ ವಿಚಾರಗಳಿಗೆ ಸಂಜನಾ ಸೌಂಡ್‌ ಮಾಡಿದ್ದರು. ಲಾಕ್‌ಡೌನ್‌ ಸಮಯದಲ್ಲಿ ಪ್ರೀತಿಸಿ ವೃತ್ತಿಯಲ್ಲಿ ವೈದ್ಯರಾಗಿರುವ ಅಜೀಜ್‌ ಪಾಷಾ ಅವರನ್ನು ವಿವಾಹವಾಗಿ ಸಂಜನಾ ಸುದ್ದಿಯಲ್ಲಿದ್ದರು. 2022ರ ಮೇ ತಿಂಗಳಲ್ಲಿ ಸಂಜನಾ ಗಲ್ರಾನಿ ತಮ್ಮ ಮೊದಲ ಮಗುವಿಗೆ ಜನ್ಮ ನೀಡಿದ್ದರು. ಅಜೀಜ್‌ ಪಾಷಾ ಮತ್ತು ಸಂಜನಾ ದಂಪತಿಗೆ ಅಲಾರಿಕ್‌ ಎಂಬ ಹೆಸರಿನ ಮಗನಿದ್ದಾನೆ ಇದೀಗ ಅವರ ಕುಟುಂಬಕ್ಕೆ ಮಗಳು. ಸೇರ್ಪಡೆ ಆಗಿದ್ದಾಳೆ.